21 di Fevrâr: IML Day


Ai 21 di Fevrâr e cole la Zonade Internazionâl de Lenghe Mari (International Mother Language Day). Cheste zornade e je stade proclamade dal UNESCO intal 1999 par promovi la diviersitât linguistiche e culturâl e il plurilinguisim.

La Lavagne Plurilengâl e invide ducj i docents a celebrâ chest event dongje dai 21 di Fevrâr cun cualchi semplice ativitât curicolâr che a coinvolzi i students. Par esempli:

  • scoltâ cjançons, lei tocs in prose o in poesie, proponi dialics o piçui dibatiments intes lenghis propriis dai students e dai insegnants

  • partecipâ a conferencis, viodi films o documentaris sul teme dal plurilinguisim, des minorancis linguistichis, dai dirits linguistics

  • organizâ piçulis lezions fatis dai students par imparâ frasis semplicis (salûts, presentazions etc.) intes lenghis dai students de classe

  • promovi la cognossince de situazion sociolinguistiche e de storie des lenghis propriis dal Friûl
L'impuartant al è che lis lenghis maris a sedin sintudis, scuviertis, preseadis e che almancul par une zornade e vegni fûr intes nestris aulis chê ricjece linguistiche e culturâl platade che i students e i insegnants a puartin cun lôr.

Events IMLD

Organizâts dal LS Marinelli di Udin in colaborazion cu la rêt.

IMLD 2018
Fabiana Fusco
Roberto Feruglio
Carli Pup
Matteo Fogale

IMLD 2016
Anna Maria Curci
Franc Fari
Marcella Menegale

IMLD 2015
Daniel Samba
Walter Tomada

Altris Risorsis

International Mother Language Day [UN Web TV]
Languages Matter [UNESCO]
Locandine (*.pdf) di picjâ su la puarte de aule