Storie dal CLIL in lenghe furlane


Lis primis esperiencis di aplicazion de metodologjie CLIL ae lenghe furlane a son dal 2005 cuntune sperimentazion fate al Liceu Copernico e al ITI Malignani di Udin.

Dal 2009 al 2012 la Provincie di Udin e à finanziât un progjet di sperimentazion plui articolât. A chest progjet, ideât e coordenât de prof. Rosalba Perini, a àn partecipât insegnants dal ITI Malignani di Udin, dal ITIS Solari di Tumieç, dal Liceu Sientific Marinelli di Udin, dal IPSIA Mattioni di Cividât, dal Liceu Magrini di Glemone e dal Liceu Classic Stellini di Udin. Intal ultin an di sperimentazion si son zontâts ancje insegnants dal Liceu Percoto di Udin e dal ITC Marchetti di Glemone.

Intal 2014 e nas la rêt La Lavagne Plurilengâl che e vûl ricjapâ lis esperiencis precedentis di insegnament CLIL in lenghe furlane e puartâ indenant cheste sperimentazion didatiche.


Risorsis

Pianificazione di un percorso CLIL in lingua friulana [Carmel Mary Coonan]