Ce isal il CLIL?


L'acronim CLIL (Content and Language Integrated Learning ven a stâi aprendiment integrât di lenghe e contignûts) al ven doprât par indicâ l'insegnament di materiis curiculârs fat intune lenghe diferente di chê doprade pal solit inte istituzion scolastiche.

Ancje se intai modui CLIL e ven doprade pal plui la lenghe inglese, al è impuartant ricuardâ che ancje l'ûs des lenghis nativis al garantìs chei risultâts che a son tipics des finalitâts e des motivazions di un program CLIL. Cun di plui la promozion, la cognossince e la tutele des lenghis nativis minorizadis e fâs dal sigûr part des liniis de politiche linguistiche de UE e dal Consei di Europe.

Intal cuadri de definizion de metodologjie CLIL si à duncje di rimarcâ il fat che lis lenghis CLIL no son limitadis dome aes lenghis forestis tradizionâls, ma che a puedin jessi ancje lenghis di minorance, lenghis regjonâls o altris lenghis uficiâls dal Stât.

Risorsis

CLIL a brief introduction
What is CLIL? A definition
Approcci plurilingui: le sfide del CLIL [Marcella Menegale]